Türkiyə Prezidenti Rəcəb Tayyib Ərdoğan 8 Noyabr -Zəfər Gününün 6-cı ildönümündə Prezident İlham Əliyevin dəvəti ilə Azərbaycana səfər edir.

Axar.az xəbər verir ki, bu barədə "Haber Global" telekanalının səfərlə bağlı hazırladığı süjetdə bəhs edilir.

Bildirilir ki, Rəcəb Tayyib Ərdoğan səfər çərçivəsində Zəfər Gününə həsr olunmuş tədbirlərdə iştirak edəcək.

Qeyd edilir ki, Şuşada Türkiyə Prezidentinin rəsmi qarşılanma mərasimi keçiriləcək. İki liderin təkbətək görüşü planlaşdırılır. Görüşdən sonra birgə mətbuat konfransının keçirilməsi gözlənilir.

Səfər proqramına Şuşada Xocalı Soyqırımı Memorialı və Muzeyinə, Xankəndindəki Qələbə Abidəsinə ziyarət və rəsmi yemək də daxildir.