Ana səhifə Toplum |
Biz unutmayaq ki, insanların xəstəlikləri təkcə koronavirusdan ibarət deyil.
Axar.az xəbər verir ki, bunu Səhiyyə Nazirliyi Aparatının rəhbəri Nadir Zeynalov Operativ Qərargahın bugünkü brifinqində deyib.
"Müraciətlərin idarə olunması üçün Səhiyyə Nazirliyinə öhdəliklər verilib. Əgər kimsə özündə simptom hiss edirsə, poliklinikaya yaxınlaşmasın, o, digər şəxsləri də yoluxdura bilər. Sahə həkiminə xəbər verməklə, COVİD-19 məntəqələrində həmin şəxsi test edə bilərlər.
Xəstənin əlamətləri yüngüldürsə, onun müalicəsi sahə həkiminin nəzarəti altında aparılacaqdır. Xəstənin vəziyyəti ağırlaşdığı zaman təcili yardıma xəbər verdikdən sonra o, müvafiq pandemiya xəstəxanasına köçürüləcəkdir", - o bildirib.
N.Zeynalov qeyd edib ki, koronavirus yüksək ötürücülük qabiliyyətinə malikdir: "Özündə əlamət hiss edən insan poliklinikaya yaxınlaşdığı zaman onu müvafiq məntəqəyə yönləndirib, test edəcəklər və xüsusi nəqliyyat vasitəsi ilə evinə çatdıracaqlar".
Tarix
2020.06.30 / 19:00
|
Müəllif
Axar.az
|