Ana səhifə Toplum |
2015-04-10 20:15:00
"Nargilə" kafesinin yaxınlığında yerləşən binalardan birində güclü yanğın baş verib.
Musavat.com-un hadisə yerində olan əməkdaşının verdiyi məlumata görə, Bakının Nobel prospektində yerləşən həmin binanı tamamilə alov alib.
Hazırda yanğın davam edir və ətrafa zəhərli tüstü yayılır.
Yanğınsöndürmə briqadaları binanın söndürülməsinə cəlb olunublar.
Yanğının əhatə dairəsi həddindən artıq geniş olduğundan və güclü külək əsdiyindən yanğını söndürmək çətinlik törədir.
Xətai rayonu, Nobel prospektində "Nargilə" kafesinin yaxınlığında yerləşən həmin yaşayış binasının sakinləri artıq təxliyə olunublar.
Nobel prospektində, "Nargilə" kafesinin yaxınlığındakı yaşayış binasında güclü yanğın başlayıb.
22:02
Bakı şəhəri, Xətai rayonunda doqquzmərtəbəli yaşayış binasında yanğın baş verib.
Axar.az Fövqəladə Hallar Nazirliyinin mətbuat xidmətinə istinadən xəbər verir ki, Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hal-hazırda yanğının söndürülməsi istiqamətində işlər davam etdirilir.
Əlavə məlumat veriləcək.
22:40
Xətai Rayon İcra Hakimiyyətinin başçısı Razim Məmmədov isə bildirib ki, dəqiqləşmə aparılandan sonra kompensasiya məsələsinə də baxılacaq.
Fövqəladə Hallar Nazirliyinin (FHN) Dövlət Yanğından Mühafizə
Xidmətinin rəis müavini Rza Xudiyev deyib ki, yanğın binanın
fasadından başlayıb: "Hava küləkli olduğundan qısa müddət ərzində
geniş ərazini əhatə edib. Binanın fasad hissəsi tamamilə, iki
mənzil və prospektə baxan hissədəki bir neçə eyvan yanıb".
APA-nın hadisə yerindəki əməkdaşının məlumatına görə, R. Xudiyev
deyib ki, yanğınsöndürənlər 3 nəfəri xilas ediblər: "Onlara ilkin
tibbi yardım göstərilib. Yanğının qarşısı tamamilə alınıb. Hazırda
mənzillərdə yanğın kəşfiyyatı işləri aparılır".
Xətai rayon İcra Hakimiyyətinin başçısı Razim Məmmədov deyib ki, binada 107 mənzil var: "Burda 408 nəfər yaşayır. Hazırda neçə mənzilə ziyan dəydiyi dəqiqləşməyib. Bu dəqiqləşmə aparılandan sonra kompensasiya məsələsinə də baxılacaq".
İcra başçısı deyib ki, sakinlərdən bəziləri yaxın qohumlarının evində gecələyəcəklərini bildiriblər: "İstəyənləri yerlə təmin edəcəyik".
2015-04-11 01:14:00
Bakı şəhəri, Xətai rayonunda doqquzmərtəbəli yaşayış binasında yanğın baş verib.
Axar.az Fövqəladə Hallar Nazirliyinin mətbuat xidmətinə istinadən xəbər verir ki, Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Yanğın nəticəsində binanın divar üzlüyü, ayrı-ayrı vətəndaşlara məxsus mənzillərin və eyvanların yanar konstruksiyaları ümumilikdə 2149 kv.m sahədə yanıb. Yanğın zamanı 140 nəfər bina sakini yanğınsöndürənlər və xilasedicilər tərəfindən təxliyyə olunublar. Binanın qalan hissəsi yanğından mühafizə olunub.
Yanğın saat 21:15-də yanğınsöndürənlər tərəfindən söndürülüb.
Tarix
2015.04.11 / 01:14
|
Müəllif
Axar.az
|