Ana səhifə Toplum |
Bu il Milli Musiqi Günü və dahi bəstəkar Üzeyir Hacıybəylinin doğum günü ilə əlaqədar olaraq Bakı Metropolitenində hər hansı tədbirin, fləşmobun və ya kampazisiyanın təşkili nəzərdə tutulmayıb.
Bunu Axar.az-ın soruğusuna cavab olaraq Bakı Metropoliteni QSC-nin mətbuat xidmətinin rəhbəri Bəxtiyar Məmmədov deyib.
Bakı Metropoliteni QSC-nin sözçüsü bildirib ki, bu il Milli Musiqi Günü ilə bağlı metroda hər hansı tədbirin keçirilməməsinin səbəbi pandemiyadır:
“Musiqi, canlı konsert olanda insanlar ayaq saxlayıb dayanır. Sosial məsafənin qorunması və sair məsələləri xüsusi nəzərə alaraq, bu il tədbirlərimiz keçirilməyəcək. Keçənilki tədbirlərimizin təəssüratları altında builki pandemiyanı başa vuraq, inşallah, gələnilki Milli Musiqi Günümüzü daha təmtəraqlı qeyd edərik. Hazırda qarşımızda dayanan əsas məqsəd məsuliyyətimizi artırmaqla virusa qalib gəlməkdir”.
Qeyd edək ki, hər il dahi bəstəkarlar Üzeyir Hacıbəyov və Müslüm Maqomayevin doğum günləri – 18 sentyabr Azərbaycanda Milli Musiqi Günü kimi qeyd edilir.
Tarix
2020.09.18 / 13:02
|
Müəllif
Tural Turan
|