"Azərbaycan Hava Yoları" may ayı üçün daha bir istiqamət üzrə endirim aksiyası təşkil edib.

"Azərbaycan Hava Yolları" QSC-dən Axar.az-a verilən məlumata görə, Bakı-Aktau-Bakı istiqamətindəki uçuşlarında xüsusi aksiyaya başlanılıb.

Biletlərin satış müddəti və uçuş mayın 6-dan 24-nə kimi davam edəcək. Aksiya çərçivəsində eyni istiqamətdə 295 manat olan biletlərin qiyməti 260 manata endirilib. Bu endirim sadəcə aksiya ərəfəsində alınan biletlərə şamil edilir.

Qeyd edək ki, aviabiletin dəyişdirilməsi və qaytarılmasına icazə verilmir. Səfər müddəti 1 ay təşkil edə bilər. Bu siniflər üzrə mile-ballar hesaba əlavə olunmur. Qiymətə yığımlar və rüsumlar da daxildir.

Xatırladaq ki, Azərbaycan Hava Yolları Bakı-İstanbul/Sabiha Gökçen-Bakı istiqamətindəki uçuşlarında da xüsusi aksiyaya başlayıb. Aksiya çərçivəsində uçuş biletlərində endirim edilib. Biletlərin satış müddəti və uçuş may ayının 5-dən 24-nə kimi davam edəcək. Aksiya çərçivəsində eyni istiqamətdə 330 manat olan biletlərin qiyməti 273 manata endirilib.