Vətəndaş Həmrəyliyi Partiyasının sədri, millət vəkili Sabir Rüstəmxanlı BMM-də 17-18 apreldə Türkiyənin İstanbul şəhərində keçirilən Dünya Azərbaycanlıları Konqresinin (DAK) sayca 13-cü qurultayının hesabatını verib.

Axar.az xəbər verir ki, bununla əlaqədar mətbuat konfransı keçirən partiya sədi İstanbulda təşkil olunan qurultay barədə danışaraq, yer kimi niyə məhz İstanbulun seçilməsinə aydınlıq gətirib.

O, qedy edib ki, qurultayda dünyanın bir çox ölkələrindən, xüsusilə Azərbaycan, ABŞ, Avstraliya, Almaniya, İsveçrə, Türkiyə, Rusiya, Ukrayna, Polşa, Çexiya, İraq və s.-dən nümayəndələr və qonaqlar olub. İki gün davam edən qurultayın İstanbulda keçirilməsi təsadüfi olmayıb:

"Qondarma erməni soyqırımının 100-cü ildönümü bəhanəsilə davam etdirilən türk düşmənçiliyi kampnaiyası səbəbindən İstanbul şəhəri xüsusilə seçilib. Qurultayda türk düşmənçiliyinə qarşı dünyaya "1915-ci ildə gerçək bir erməni soyqırımının olmadığı və əsil soyqrımının Azərbaycan türklərinə qarşı edilmiş olduğu" mesaji verilib və bunun da ən canlı, ən dəhşətli, ən yaxın nümunəsi "Xocalı soyqrımı" olduğu deyilib".

Qeyd edək ki, qurultayda DAK-ın seçkili orqanlarına seçkilər keçirilib, Sabir Rüstəmxanlı və Firudin Pərvizniya konqresin növbəti müddətə yenidən həmsədri seçilib.

Bundan əlavə, qurultayda 21 nəfər DAK idarə heyətinin və 5 nəfər NTK-nın üzvü seçilib. Eyni zamanda, Türkiyədəki Azərbaycan Kültür Dərnəyinin başqanı Cəmil Ünal 50 nəfərin təmsil olunduğu DAK Məşvərət Məclisinin sədri seçilib.

Qeyd edək ki, DAK qurultayı ilk dəfə 1997-ci ildə ABŞ-ın Los Anceles şəhərində keçirilib.