Rüsumları nə qədər artırsaq da, yenə də köhnə nəqliyyat vasitələrinin idxalına üstünlük verilir.

Axar.az xəbər verir ki, bu sözləri Dövlət Gömrük Komitəsinin sədri Səfər Mehdiyev bu gün keçirilən mətbuat konfransında deyib.

“Gətirilən nəqliyyat vasitələrinin idxalı zamanı yeni nəqliyyat vasitələrinin insanların sağlamlığı ilə bağlı olması müzakirə olunur. Avtomobil parkımızın son 10 ildə yenilənməsi üçün prosesi nəzarətdə saxlayırıq”, - S.meydiyev bildirib.

Onun sözlərinə görə, bütün ölkələrdə siqaret qaçaqmalçılığı ilə bağlı rəqəmlər 22 faiz təşkil edir:

“Son dövrlərdə pandemiya ilə əlaqədar olaraq fiziki şəxslərin gediş-gəlişi məhdudlaşdırıldığı üçün 2020-ci ildə bu rəqəm 1,5-2 faiz həcmindədir. Bu il həm yerli istehsal, həm də idxal tərkibli siqaretlərin qaçaqmalçılıq yolu ilə ölkəyə gətirilməsinə nəzarət üçün işlər aparılır”.