İMZA kollektivi və könüllüləri Hərbi Qənimətlər Parkını ziyarət edib.

Bu barədə Axar.az-a İctimai Birliyin Beynəlxalq və İctimaiyyətlə Əlaqələr departamentinin direktoru Elnar Məmmədli məlumat verib.

Hərbi Qənimətlər Parkının ziyarət edilməsindən sonra İMZA Sosial İnkişafa Dəstək İctimai Birliyinin rəhbər heyətinin toplantısı keçirilib. Kollektivin və könüllülərin təklifi nəzərə alınaraq, bundan sonra təşkilatın xətti ilə ölkəmizə gələcək əcnəbi qonaqların ziyarət edəcəkləri məkanlar içərisində paytaxtımızın bu gözəl və anlamlı guşəsinin də mütləq yer alacağı barədə qərar verilib.

Qeyd edək ki, Vətən savaşının getdiyi günlərdə öz könüllüləri ilə birgə hiyləgər, saxtakar və mənfur düşmənə qarşı informasiya müharibəsində ön sıralarda olmuş İMZA-çılar bu gün də həqiqətlərimizin və yeni reallıqların dünyaya çatıdırlmasında yüksək fəallıq göstərirlər.