10:43

Yol polisi Goranboyda reyd keçirib.

Daxili İşlər Nazirliyinin mətbuat xidmətinin Gəncə regional qrupundan Axar.az-a verilən məlumata görə, Goranboy Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində yol hərəkəti təhlükəsizliyinin təmin edilməsi və piyadaların vurulması ilə nəticələnən yol-nəqliyyat hadisələrinin qarşısının alınması məqsədilə mütəmadi olaraq profilaktiki tədbirlər həyata keçirilir.

Reyd zamanı keçidlərdə piyadalara yol verməyən sürücülər polislər tərəfindən müəyyən edilərək barələrində müvafiq tədbirlər görülüb. Görülən tədbirlər nəticəsində 15-ə yaxın sürücü məsuliyyətə cəlb edilib.

***

Biləsuvar rayonunda da reyd keçirilib.

Biləsuvar rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində yol hərəkəti təhlükəsizliyinin təmin edilməsi və piyadaların vurulması ilə nəticələnən yol-nəqliyyat hadisələrinin qarşısının alınması məqsədi ilə reyd keçirilib.

Reyd nəticəsində 10 piyada məsuliyyətə cəlb edilib.

***

Kürdəmir Rayon Polis Şöbəsinin (RPŞ) Dövlət Yol Polisi Bölməsinin (DYPB) əməkdaşları da tədbirlər planına uyğun olaraq, rayon ərazisində “Piyadalar, diqqətli olun” şərti adı altında reyd keçirib.

Reyd zamanı piyada keçidindən düzgün istifadə etməyən piyadalarla marifləndirici söhbətlər aparılıb və onlara yol hərəkəti qaydalarına düzgün riayət etmələri tövsiyə olunub.

Bundan başqa, reyd zamanı 10 piyada haqqında inzibati protokol tətbiq olunub.