Ana səhifə Toplum |
Bu gün səhər saatlarından paytaxtda mülayim şimal-qərb küləyi müşahidə olunur. Axşam saatlarından başlayaraq sabahdan paytaxtda güclü şimal-qərb küləyi əsəcək. Arabir yağış yağacağı proqnozlaşdırılır. Bu gün günorta saatlarında 30-32 dərəcə isti müşahidə olunursa, sabahdan artıq temperaturun 25 dərəcədən yüksək olması gözlənilmir.
Bu sözləri Axar.az-a ETSN-nin Hitrometeoroloji proqnozlar bürosunun direkoru Gülşad Məmmədova ölkə ərazisindəki hava şəraitinin kəskin dəyişməsi ilə bağlı danışarkən deyib.
“Bölgələrdə də bu gün axşam şimal və qərb rayonlarından başlayaraq, şimşək çaxacağı, arabir yağış yağacağı gözlənilir. Ayrı-ayrı yerlərdə yağışların leysan xarakterli intensiv olacağı ehtimal olunur. Yağan yağışlarla əlaqədar bəzi dağ çaylarında qısamüddətli daşqın və sel keçəcəyi istisna olunmur. Gözlənilən əlverişsiz hava şəraiti artıq iyulun 29-u səhər saatlarınadək davam edəcək”, - G.Məmmədova xəbərdarlıq edib.
G.Məmmədova şimal və qərb ərazilərinə dolu düşəcəyinin praqnozlaşdırıldığını deyib.
Tarix
2021.07.27 / 15:22
|
Müəllif
Aytəkin Qardaşova
|