Erməni hüquq müdafiəçisi Georgi Vanyan Tiflisdə xəstəxanaya yerləşdirilib.

Axar.az xəbər verir ki, bu məlumatı Gürcüstan mətbuatı yayıb. Məlumata görə, 9 oktyabrda xəstəxanaya koronavirus diaqnozu yerləşdirilən Vanyanın hər iki ağ ciyəri zədələnib.

Vanyanın hazırda reanimasiyada olduğu qeyd edilib.

Xatırladaq ki, Vanyan Ermənistanda Azərbaycana xoş münasibət bəsləyib, Qarabağ məsələsində konstruktiv mövqe sərgiləyən azsaylı siyasi fəallardan biridir. O, Azərbaycanla münasibətlərin bərpası, Qarabağın Azərbaycana qaytarılması, eləcə də Xocalı soyqırımına görə üzr istənilməsi barədə mövqeyinə görə Ermənistanda ağır təzyiqlərə, təqiblərə məruz qalıb.