Yuxarı

SN-TƏBİB dilemması: ADC kimə müraciət edəcəyini bilmir

Ana səhifə Toplum
12 Punto 14 Punto 16 Punto 18 Punto

Bu gün Azərbaycan Diabet Cəmiyyətinin (ADC) təşəbbüsü ilə Trend İnformasiya Agentliyində “Diabet həftəsi” çərçivəsində mətbuat konfransı keçirilib.

Axar.az xəbər verir ki, konfransda çıxış edən ADC-nin sədri Möminət Ömərova Azərbaycanda şəkərli diabet xəstələrinin sayının getdikcə artdığını bildirib:

“ADC Azərbaycanda diabet xəstələrinə qayğı göstərilməsi, bu xəstəliyin qarşısının alınması üçün mümkün olan addımları atır. Son statistikaya görə, hazırda dünyada 537 milyon insan şəkərli diabetdən əziyyət çəkir. Bu isə ötən illərlə müqayisədə çox ciddi artımdır. Azərbaycanda aşkar diabet xəstələrinin sayı 283 mindir. Bu statistikaya hələ aşkar olunmayan xəstələri də əlavə etməliyik və onlar aşkar olunanların yarısı qədərdir. Son illər bu xəstəliyin aradan qaldırılması üçün dövlət səviyyəsində tədbirlər görülür. Bu, müsbət haldır”.

M.Ömərovanın sözlərinə görə, hazırda dünyada və ölkəmizdə diabet xəstələri üçün keyfiyyətli insulinin tapılmaması problemə çevrilib:

“Bu problemdən xüsusən bölgələrimizdə yaşayan diabet xəstələri əziyyət çəkirlər. Rayonlardan bizə gələn şikayətlərdən belə aydın olur ki, apteklər bu xəstələrə bir növ insulin verirlər. Bu, çox risklidir. Əvvəllər sözügedən problemlərlə bağlı Səhiyyə Nazirliyinə müraciət edirdik. İndi bizə bildirilir ki, dövlət proqramı artıq TƏBİB-in nəzarətindədir. İndi vəziyyət elədir ki, problemin həlli üçün kimə müraciət edəcəyimizi bilmirik”.

Konfransda çıxış edən ATU-nun Tədris Terapevtik Klinikasının Şəkərli diabet şöbəsinin müdiri, həkim-endokrinoloq Sevil Mustafayeva deyib ki, Ümumdünya Səhiyyə Təşkilatının və Beynəlxalq Diabet Federasiyasının çağırışına əsasən, bütün şəkərli diabet xəstələri üçün keyfiyyətli insulindən istifadə edilməlidir:

“Bu çağırışı davam etdirərək, 2019-cu ilin noyabr ayında “Diabetli uşaqlara ən yüksək qayğı” layihəsi çərçivəsində Heydər Əliyev Fondu Azərbaycanda şəkərli diabet xəstəliyi olan 1600-ə qədər uşağa 1 illik ən yeni və ən bahalı uzunmüddətli insulin hədiyyə etdi. Bu layihə ADC-yə həvalə olunmuşdu. 2020-ci ilin yanvar ayından böyük bir həkim komandası bu insulinləri paylamağa başladı. Azərbaycanın hər rayonunu qarış-qarış gəzdik. Valideynlərlə görüşdük, onların problemi ilə maraqlandıq, təlimlər keçirdik. Məlum oldu ki, bölgələrimizdə diabetli uşaqların valideynlərinin bu istiqamətdə maariflənmələrinə ciddi ehtiyac var. Layihəni 2021-ci ilin əvvəlində bitirdik. Səhiyyə Nazirliyinin təşəbbüsü ilə layihə davam etdi. Həmin uşaqlara ən keyfiyyətli və bahalı insulin paylanması indi də davam edir”.

Konfransın davamında KİV nümayəndələrini sualları cavablandırılıb.

Tarix
2021.11.23 / 17:07
Müəllif
Aytəkin Qardaşova
Şərhlər
Digər xəbərlər

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla