Abşeron və Siyəzən magistral qaz kəmərləri sahələrində təmir işləri aparılması ilə əlaqədar qeyd edilən yerlərdə qazın verilməsində məhdudiyyətlər ocacaq.

SOCAR-dan Axar.az-a verilən məlumata görə, bu gün saat 10:00-dan 18:00-dək "Qaz İxrac" İdarəsinin Abşeron Magistral qaz kəmərləri sahəsinin "Şimal DRES", "Zirə-3", "Dübəndi sobaları" və "28 May", eləcə də Siyəzən Magistral qaz kəmərləri sahəsinin "Quba" Qazpaylama stansiyalarında, həmçinin bəzi ölçü qovşaqlarında cari təmir işləri aparılacaq.

Təmir müddətində Bakı şəhəri Xəzər rayonunun Mərdəkan və Şüvəlan, eləcə də Pirallahı rayonunun Zirə qəsəbələrinin qaz təchizatında məhdudiyyətlər olacaq. Aparılan işlərin Quba rayonunun qaz təchizatına təsir göstərməsi də mümkündür.