İsrailin Nefha həbsxanasında 120 fələstinli məhbus müddətsiz aclıq aksiyasına başlayıb.

Axar.az xəbər verir ki, Fələstin Qurtuluş Təşkilatının (FKÖ) tərkibində olan Əsirlərlə iş üzrə komitənin sədri İsa Karaki İsrailin cənubunda yerləşən həbsxanadakı məhbusların aclıq aksiyasına onlara qarşı mütəmadi tətbiq edilən təzyiqlərə görə başladıqlarını bildirib.

İsa Karaki həbsxanalarda olan qeyri-qanuni hərəkətlərə görə gələn həftənin cümə günü Hefha, Ramon və Ən-Nakab başda olmaqla bütün İsrail həbsxanalarında "Qəzəb Cüməsi" elan edildiyini və məhbusların həbsxana rəhbərliyinin bu vəhşiliklərə son qoyana qədər aksiyaya davam edəcəklərini söyləyib.

Qeyd edək ki, İsrail həbsxanalarında 7 mindən çox fələstinli məhbus var. İsraildə aclıq aksiyası keçirən məhbuslara zorla yemək yedirdilməsi barədə qanun layihəsi ötən həftə parlamentə təqdim edilib.