Axar.az
Yuxarı

Kolbasa niyə ətdən ucuzdur? - Açıqlama

Ana səhifə Toplum
12 Punto 14 Punto 16 Punto 18 Punto

Kolbasa məmulatları reseptura və standartlar əsasında istehsal edilir. Resepturaya uyğun olaraq 100 kq xammala ətdən əlavə donuz piyi (yaxud başqa heyvan piyi), un, duz, nişasta, sarımsaq, yumurta melanjı, müxtəlif ədviyyatlar, nitrit və s. qatılır.

Axar.az xəbər verir ki, bu sözləri "Kaspi"yə müsahibəsində Azərbaycan Dövlət İqtisad Universitetinin (UNEC) "Mühəndislik və tətbiqi elmlər” kafedrasının Qida mühəndisliyi bölməsinin dosenti, texnika elmləri namizədi Natəvan Qədimova deyib.

O bildirib ki, hazırda bir kiloqram sümüksüz ətin qiyməti 14 manatdır: "Kolbasada 1 kiloqrama yaxın ət istifadə edilirsə, onun qiymətinin üzərinə sadaladığım digər məhsulların qiymətini, istehsal xərclərini, müəssisə işçilərinin əmək haqqını, satış müəssisəsinin qoyduğu 10-20 faiz rüsumu da əlavə etsək, deməli, kolbasa ətlə eyni qiymətə yox, ondan baha olmalıdır".

Bəs o zaman ucuz kolbasa necə ərsəyə gəlir?

N.Qədimova deyib ki, 100 faiz reseptura uyğun və yüksək keyfiyyətli ətdən istifadə etməklə məhsul istehsal olunanda qiyməti baha, alıcısı isə az olur. Bu isə istehsal müəssisələri üçün sərfəli deyil:

"Orta səviyyəli insanlar baha kolbasa məmulatlarını ala bilmir. Ona görə, ucuz variantlardan istifadə edib daha aşağı qiymətə başa gələn məhsulları bazara çıxaranlar çoxdur. Məsələn, əti soya və ya heyvan zülalları ilə əvəz edir, heyvan cəmdəyinin daha ucuz və qidalılıq dəyəri aşağı olan hissəsindən - mədə, bağırsaq, qığırdaqdan istifadə edirlər. Bu üsullarla məhsulun maya dəyərini aşağı salmaq mümkündür. Ucuz məhsulun ərsəyə gəlməsinin bir səbəbi soyanın tətbiqidir. Soya adi ağ rəngli tozdur, suyu özünə çəkdiyində şişir və həcmini dəfələrlə artırır, nəticədə məhsul çıxımını yüksəldir. 100 kiloqram kolbasaya 1-3 faiz miqdarında soya əlavə edilə bilər, ancaq istehsal olunan məhsulun çıxımını artırmaq məqsədi ilə bu miqdar yüksəldilir. Nəticə etibarilə bu, ətə qənaət imkanı yaradır. Məsələn, əgər 100 kiloqram qiyməyə 10 kiloqram soya əlavə edilərsə, o, özünə 5-6 litr su birləşdirir, həcmi artır və nəticədə 60 kiloqram artıma səbəb olur".

Tarix
2022.01.09 / 22:00
Müəllif
Axar.az
Şərhlər
Memorial Zefer
Digər xəbərlər

Gədəbəydə bazarda dava düşdü: 49 yaşlı kişi bıçaqlandı

Magistraturaya növbəti qəbul imtahanı keçirildi

Qırıcıların Bakı səmasında şousu davam edir

“Bolt” boykot edən sürücülərin profillərini blokladı

Sabahın hava proqnozu açıqlandı

Saatlıda narkotik becərən şəxs tutuldu

Əliyev və Ərdoğan "Türk ulduzları”nın çıxışlarını izlədi

Ərdoğan Bəxtiyar Vahabzadənin şeirini səsləndirdi

İbrahim Kalın xalqımızı təbrik etdi

Peyvənd olunanların sayı açıqlandı

KULT
<>
Xəbər xətti
Axar.az'da reklam Bağla
Reklam
Bize yazin Bağla