Nazirlik daha üç MMMC-ni dövlət qeydiyyatına alıb.

İqtisadiyyat və Sənaye Nazirliyindən Axar.az-a verilən məlumata görə, çoxmənzilli binalarda yeni idarəetmə üsullarının tətbiqi sürətləndirilib.

Bu məqsədlə daha 3 MMMC - "Yasamal-1", "Yasamal-3" və "Səbail-2" Mənzil Mülkiyyətçiləri Müştərək Cəmiyyətləri Azərbaycan Respublikasının Ədliyyə Nazirliyi tərəfindən dövlət qeydiyyatına alınıb.

Bununla da, Bakı şəhərində Binəqədi və Yasamal rayonlarının hər birində 4, Səbail rayonunda 2, Nəsimi və Xətai rayonlarında isə hər birində 1 MMMC olmaqla, dövlət qeydiyyatından keçən MMMC-lərin sayı 12-yə çatıb.