Rabitə xidmətlərinə görə borcun olub-olmaması arayışını elektron formada almaq olacaq.

Rabitə və Yüksək Texnologiyalar Nazirliyindən Axar.az-a verilən məlumata görə, borcları öyrənmək üçün artıq Telefon qovşaqlarına müraciət etməyə ehtiyac yoxdur.

"Rabitə xidmətlərinə görə borcun olmaması barədə arayış" elektron xidmətindən istifadə edərək borc barədə arayış formalaşdıra bilərsiniz. Bunun üçün "Elektron hökumət" portalına girişinizin (kod/parol) olması kifayətdir.

Təqdim olunan elektron arayışda sənədin nömrəsi, verilmə tarixi, vətəndaşın tam adı, qeydiyyatda olduğu ünvan, ünvanda qeydiyyatda olan telefon nömrəsi və hansı tarixə rabitə borcunun olmaması barədə məlumat öz əksini tapacaq.

Qeyd edək ki, ötən ay ərzində "Elektron hökumət" portalı vasitəsilə "Rabitə xidmətlərinə görə borcun olmaması barədə arayış" elektron xidmətindən 1064 dəfə istifadə edilib.