Vladimir Putinin Vladimir Zelenski ilə danışıqlar üçün İstanbula gəlməsi ehtimalı çox aşağıdır.

Axar.az xəbər verir ki, bunu Ukraynanın xarici işlər naziri Andrey Sibiqa X şəbəkəsində yazıb.

Belə ki, o, Ukrayna prezidentinin gələn həftə Türkiyəyə səfər edəcəyini və Rusiya lideri ilə birbaşa danışıqlar aparmağı təklif edən mesajını paylaşıb:

"Əsl lider belə edir. Heç kimin və heç nəyin arxasında gizlənmir. Rusiya tərəfinin zərrə qədər belə cəsarətə sahib olması ehtimalı çox azdır".

Qeyd edək ki, Putin 15 mayda İstanbulda Ukrayna ilə heç bir ilkin şərt olmadan birbaşa danışıqlar təklif edib. Zelenski isə buna cavab olaraq dərhal atəşk elan edilməsini istəyib və 15 mayda Putinlə şəxsən görüşmək üçün İstanbula gedəcəyini vurğulayıb.