78-ci Kann Film Festivalının əsas müsabiqəsində ən yaxşı bədii film iranlı azərbaycanəsilli rejissor Cəfər Pənahinin “Bir sadə qəza” (Yek tasadef sadeh) filmi seçilib.

Kult.az xəbər verir ki, bu, iranlı rejissorun Kann Film Festivalında qazandığı ilk mükafat deyil.

Hələ 1995-ci ildə "Ağ top" (Badkonake sefid, 1995) filmi ilə "ən yaxşı debüt" üçün "Qızıl kamera" mükafatına layiq görülüb. 2018-ci ildə münsiflər heyəti onun “Üç üz” (Se rokh, 2018) filmini ən yaxşı ssenariyə görə, 2022-ci ildə isə “Ayısız” (Khers nist, 2022) dramına görə münsiflər heyətinin xüsusi mükafatına layiq görülüb.

Qeyd edək ki, Pənahi 2009-cu ildən bu yana dəfələrlə həbs olunub və ona film çəkmək qadağan edilib. Film gizli şəkildə çəkilib və dövlət tərəfindən maliyyələşdirilməyib.