Ukrayna PUA-ları ilk dəfə Sibiri vurub.

Axar.az xəbər verir ki, bu barədə İrkutsk vilayətinin qubernatoru İqor Kobzev məlumat verib.

“Srednıy kəndindəki hərbi hissəyə pilotsuz təyyarə ilə hücum olub. Sibirdə ilk. Bir hücum Novomaltinskdəki köhnə binaya edilib. PUA-ların dəqiq sayı hələ ki, məlum deyil. Hadisə yerinə FTX əməkdaşları, Fövqəladə Hallar Nazirliyi və Rusiya Milli Qvardiyasının döyüşçüləri cəlb olunub”, - Kobzev bildirib.

Onun sözlərinə görə, Murmanskdakı “Olenya” aerodromundakı kimi, İrkutska da hücum yük maşınlarından buraxılan PUA-larla edilib.

Ryazan vilayətinin qubernatoru Pavel Malkov da PUA hücumu barədə məlumat yayıb.

Rusiyanın “Fighterbomber” Teleqram kanalı ümumilikdə 4 aerodroma hücum edildiyini təsdiqləyib.

Kanalın məlumatına görə, İrkutskdakı “Belaya”, Ryazandakı “Dyagilevo”, Murmanskdakı “Olenya”, İvanovodakı “İvanovo” aerodromları hücuma məruz qalıb.