ABŞ İsraili Qəzzada müharibəni dayandırmağa məcbur etməyə qadir olan yeganə tərəfdir.

Axar.az xəbər verir ki, bunu Fələstinin vitse-prezidenti Hüseyn Şeyx deyib.

O, HƏMAS-ın da müharibənin sona çatmasına səbəb olacaq cəsarətli addımlar atacağına ümid etdiyini bildirib:

“HƏMAS xalqın bir hissəsidir və siyasi həyatdan kənarda qala bilməz. HƏMAS siyasi sistemimizin bir hissəsi olmaq üçün öz siyasətini dəyişməlidir. İndi Fələstin dövlətini yaratmağın ən yaxşı yolu silahlı mübarizə deyil, İsrailə qarşı sülh yolu ilə müqavimət göstərməkdir. İsraillə danışıqlar aparırıq ki, haqqımıza çataq və öz dövlətimizi yaradaq. Bizim prioritetimiz Fələstin xalqının öz torpaqlarında yerini təmin etməkdir”.