Bu gün Azərbaycanda İslam aləmində ən müqəddəs bayramlardan biri olan Qurban bayramı qeyd edilir.

Axar.az xəbər verir ki, İslamda iki bayram - eydül-ezha (Qurban bayramı kimi tanınan bayram) və eydül-fitre (Orucluq bayramı - kiçik bayram) bayramları qanuniləşdirilib.

Bu bayram müsəlmanların Həcc ziyarəti mərasiminin bir hissəsidir. Qurban bayramı müsəlman təqviminin (Hicri-qəməri təqvimi) 12-ci ayı olan Zilhiccə ayının 10-cu günü, həcc dövründə qurbanlıq heyvanların kəsilməsi şəklində qeyd olunur.

İslam dini böyük inama, ulu Allaha qurban verməkdə də əvəzsiz inqilab yaratdı. Bəşəriyyəti insanı qurban verməkdən çəkindirdi, bu cür qurbanı hətta qadağan etdi. Ona görə də İslam dini Allahın adından buyuruldu ki, insanın əvəzinə qurbanlıq heyvan kəsilməlidir.

Azerbaycan müstəqilliyə qovuşduqdan sonra xalqın dininə, milli ənənələrinə, milli və dini bayramlarına hörmət və diqqət yetirilməyə başlandı.

Azərbaycanda bu il Qurban bayramı sentyabrın 24 ve 25-də qeyd edilir.