Axar.az
Yuxarı

Axar.Az Logo

Məktəbli formalarının satışa çıxarılacağı vaxt açıqlandı

Ana səhifə Toplum
12 Punto 14 Punto 16 Punto 18 Punto

Yeni dərs ilinin başlanmasına təxminən bir aylıq müddət qalıb. Artıq valideynlər məktəbə gedəcək övladları üçün yeni məktəbli formaları almağa hazırlaşır. Əvvəlki illərdən fərqli olaraq isə bu il üçün yeni formaların satışı həyata keçiriləcək. Çünki hələ bir müddət Nazirlər Kabineti yeni məktəbli formaları ilə bağlı qərar imzalayıb. Bu sənədin isə geyim formalarının şagirdlərin sağlamlığına xidmət edən qərar olduğu bildirilib.

Axar.az xəbər verir ki, Bakı Tikiş Evinin (BTE) Satış şöbəsinin rəisi Etibar Əzimov Report-a açıqlamasında hazırda məktəbli formalarının satışa çıxarılması üçün işlərin yekunlaşmaq üzrə olduğunu deyib.

Onun sözlərinə görə, məktəbli formaları avqustun 16-dan satışa çıxarılacaq. E.Əzimov bildirib ki, Bakı Tikiş Evində məktəbli formaları iki rəngdə (ağ polo, göy şalvar və ətək) və (mavi polo, boz şalvar, ətək) tikilir. O qeyd edib ki, formalar hazırlandıqdan sonra anbarlara yığılır:

"Tikilən geyimlərin sayı hələ ki, məlum deyil. Məktəbli formaları pambıq materialındandır. Bir neçə il istifadə etmək mümkündür. Qiymətlərə gəlincə isə, ötən illərlə müqayisədə qiymətlərdə fərq hiss olunacaq. Artıq valideynlər müraciət edir. Geyimləri Bakı Tikiş Evi ilə yanaşı paytaxtda fəaliyyət göstərən "Bravo" supermarketlər şəbəkəsindən əldə etmək mümkün olacaq".

Qeyd edək ki, Nazirlər Kabineti Azərbaycanda dövlət ümumi təhsil müəssisələrində təhsilalanların geyim formalarının təsvirlərini təsdiq edib. Qərar yeni tədris ilindən tətbiq ediləcək. Belə ki, təhsilalanların geyim forması aşağıdakı qış və yay formalarından ibarətdir:

Qızlar üçün yay forması - üçdüyməli qısaqol köynək və ətək;

Oğlanlar üçün yay forması - üçdüyməli qısaqol köynək və şalvar;

Qızlar üçün qış forması - üçdüyməli uzunqol köynək, ətək və ya şalvar, önü bağlanılan cibli jaket;

Oğlanlar üçün qış forması - üçdüyməli uzunqol köynək, şalvar və önü bağlanılan cibli jaket.

Tarix
2022.08.12 / 10:46
Müəllif
Axar.az
Şərhlər
Digər xəbərlər

Sabahın hava proqnozu açıqlandı

İnzibati məsuliyyətə cəlbetmə müddəti artırılır

Polis əməliyyat keçirdi: 20 nəfər saxlanıldı

Ombudsmana yeni səlahiyyətlər verilir

Ağdamın 3 kəndi gələcəkdə belə olacaq - Video

Rusiyada tutulan şəxs Bakıya ekstradisiya edildi

Mövlam Şıxəliyevin orden və medalları geri alındı

Bakıda qadın evə silahlı basqın etdi

Xaricdə təhsil almış 62 nəfərin diplomu tanınmadı

Gəncə sakini qonşusunu öldürdü

KULT
<>
Xəbər xətti
Axar.az'da reklam Bağla
Reklam
Bize yazin Bağla