Tibbi-sosial reabilitasiya sahəsində Fransa ilə təcrübə mübadiləsi aparılır.

Əmək və Əhalinin Sosial Müdafiəsi Nazirliyindən Axar.az-a verilən məlumata görə, tibbi-sosial reabilitasiya xidməti üzrə mütəxəssislərdən ibarət nümayəndə heyətimiz Fransada səfərdə olub.

Səfər əlilliyi olan şəxslərin cəmiyyətə inteqrasiyasında Fransa təcrübəsini öyrənmək, mübadilə aparmaqdır. Nazir müavini Natiq Məmmədovun başçılıq etdiyi nümayəndə heyəti bu ölkənin "Expertises France" şirkətində görüşlər keçirib.

Səfər "Əlilliyi olan şəxslər üçün tibbi-sosial reabilitasiya sisteminin inkişaf etdirilməsi istiqamətində nazirliyə dəstək" Tvinninq layihəsi çərçivəsində təşkil olunub. Bu sahədə Fransa, Almaniya və Litvanın müvafiq dövlət qurumları ilə əməkdaşlıq da nəzərdə tutulur.