Axar.az
Yuxarı

Bakıda tullantı sularının daşıyıcı kollektorlarının inşası…

Ana səhifə Toplum
12 Punto 14 Punto 16 Punto 18 Punto

Xəzər dənizinin ekoloji sabitliyinin qorunması, eləcə də 11 qəsəbədə yaranacaq tullantı sularının optimal idarə olunması məqsədilə Abşeron yarımadasının şimal-şərq hissəsində yeni kanalizasiya infrastrukturlarının yaradılması işləri davam etdirilir. Həmin qəsəbələrdə formalaşan tulantı suların Pirşağı təmizləyici qurğusuna ötürülməsini üçün “Azərsu” Açıq Səhmdar Cəmiyyətinin (ASC) sifarişi əsasında hazırda 2 istiqamətdə, Zabrat-Kürdəxanı-Pirşağı, həmçinin dənizin sahili boyunca əsas daşıyıcı kollektorların inşası həyata keçirilir.

ASC-dən Axar.az-a bildirilib ki, Zabrat, Kürdəxanı və Pirşağı qəsəbələrində formalaşan tullantı sularının təmizləyici qurğuya daşımaq üçün 1400 mm diametrli dəmir-beton borularla 4 km uzunluğunda kollektorun inşası layihələndirilib və indiyə qədər 2022-ci il üçün nəzərdə tutulmuş işlərin 75 faizindən çoxu icra olunub. Kollektorların avtomobil və dəmir yolları ilə kəsişdiyi 11 nöqtədə 8-26 metr dərinlikdə şaxtalar qazılaraq xüsusi maşın və mexanizmlər vasitəsilə tunellər inşa edilir. Ötən müddətdə 5 tunelin tikintisi tam yekunlaşıb, digərlərində isə işlər davam etdirilir. Kanalizasiya kollektorunun keçdiyi ərazilərdə gələcəkdə şəbəkə xətlərinin qoşulması üçün 28 ədəd quyunun tikintisi də başa çatdırılıb.

Uzunluğu 1,8 km olan digər kollektor isə Pirşağı çimərliyi ərazisində, dənizin sahili boyunca inşa olunur. Bu kollektor vasitəsilə çimərlik ərazisində olan obyektlərdə və fərdi yaşayış evlərində formalaşan tullantı suları təmizləyici qurğuya ötürüləcək. Kompleks layihəyə uyğun olaraq növbəti mərhələdə 19 km uzunluğunda Bilgəh-Pirşağı və 14 km uzunluğunda Novxanı-Pirşağı kollektorlarının inşası da nəzərdə tutulur. Eyni zamanda, Zabrat-Kürdəxanı-Pirşağı kollektorunun inşası davam etdirilərək Balaxanı qəsəbəsinə qədər uzadılacaq. Yeni infrastruktur Novxanı, Mehdiabad, Goradil, Fatmayi, Kürdəxanı, Pirşağı, Məhəmmədi, Digah, Zabrat, Balaxanı və Nardaran qəsəbələrində yaranan tullantı sularının birbaşa Xəzər dənizinə axıdılmasının qarşısını almağa imkan yaradacaq.

Qeyd edək ki, Azərbaycan hökumətinin Koreya Beynəlxalq Əməkdaşlıq Agentliyi ilə birgə həyata keçirdiyi layihə çərçivəsində Pirşağı qəsəbəsinin yaxınlığında məhsuldarlığı sutkada 40 min kubmetr olan təmizləyici qurğunun, eləcə də təmizlənərək zərərsizləşdiriləcək suların dənizin nisbətən dərinsulu hissəsinə axıdılmasını təmin etmək üçün polad borularla 1700 metr uzunluğunda çıxış xəttinin inşası tam yekunlaşıb. Bioloji tipli qurğuda tullantı sularının təmizlənməsi yeni texnologiya əsasında həyata keçiriləcək.

Tarix
2022.12.09 / 17:38
Müəllif
Axar.az
Şərhlər
Digər xəbərlər

Şəhidin nəşi Vətənə niyə gec gətirildi? - Video

Orxan Əsgərovun cənazəsi Bakıya gətirildi - Video

Xələfov: İran bu hadisəyə görə məsuliyyət daşıyır!

İrandakı səfirliyimizin fəaliyyəti tam dayandırıldı

İranın Bakı səfirliyi fəaliyyətini dayandırır?

Ermənistandan Xankəndiyə 11 erməni gətirildi

Aksiyaçılar ekoterrorun dayandırılmasını tələb edir!

Güney azərbaycanlılar Əliyevdən kömək istədi - Video

İslandiyadakı icma səfirliyə hücumla bağlı bəyanat yaydı

TÜRKSOY baş katibi səfirliyə hücumu qınadı

KULT
Xəbər xətti
Axar.az'da reklam Bağla
Reklam
Bize yazin Bağla