BTRİB-ə edilən hər bir şikayət operativ araşdırılır və tədbir görülür.

Bunu Bakı Rabitə İstehsalat Birliyinin baş direktorunun müavini Xankişi Kişiyev bir qrup sakinin internetin sürəti ilə bağlı şikayəti barədə Axar.az-a danışarkən bildirib.

O söyləyib ki, vətəndaş şikayətinin hansı ərazi üzrə neçə nömrəli telefon xətti olduğunu desin, dərhal ora komissiya göndəriləcək və və problemə baxılacaq.

Qeyd edək ki, Xətai rayonu Köhnə Günəşli qəsəbəsinin bir qrup sakini dövlət ATS-ləri vasitəsilə onlara verilən internet sürətinin azlığından şikayət edir və ödədikləri məbləğə uyğun internet sürətindən istifadə edə bilmədiklərini bildirirlər.