Zaqatalada 26 yaşlı gəncin qollarını biləyindən kəsənlər saxlanılıb.

Axar.az xəbər verir ki, rayon sakini, 1985-ci il təvəllüdlü Araz Musayev istintaqa cəlb edilib.

Hər iki əlini itirən Vüsal Bəşirovun atası Vahid Bəşirovun sözlərinə görə, oğlunu maşınla rayona yaxın ərazidə yerləşən asma körpü deyilən çaylağa aparıblar.

"Onlara dedim ki, sizə 1350 manatı verəcəyəm. 300 manatını verdim, maşınımı satıb, qalanını da verəcəkdim. Dedi ki, Vahid kişi, sənin oğlunun əllərini kəsmişik, lazım gəlsə, sənin də əllərini kəsərik. Gəldim xəstəxanaya. Gördüm ki, oğlum ayaqüstə, əlləri qan içində. Dedi ki, ata qorxma, qorxma".

Xatırladaq ki, hadisə noyabrın 28-dən 29-a keçən gecə qeydə alınıb. İlkin ehtimala görə, cinayət borc üstündə törədilib.

Həkimlər ağır vəziyyətdə olan gəncə dərhal ilkin tibbi yardım göstərib və üzərində cərrahiyyə əməliyyatı aparıblar. Hazırda onun vəziyyəti orta-ağırdır. Region TV-nin hadisə ilə bağlı hazırladığı süjeti təqdim edirik: