Yuxarı

Vahid Əhmədovla bağlı qərar verildi

Ana səhifə Toplum
12 Punto 14 Punto 16 Punto 18 Punto

16:29

Aprelin 28-də Milli Məclisin İntizam komissiyasının iclası keçirilib.

Bu barədə Axar.az-a parlamentin Mətbuat və ictimaiyyətlə əlaqələr şöbəsindən məlumat verilib.

İclası açan komissiyanın sədri Eldar İbrahimov bildirib ki, Milli Məclisin sədri Sahibə Qafarovanın müraciətinə əsasən, iclasda parlamentin deputatı Vahid Əhmədovun son müsahibəsində səsləndirdiyi fikirlərlə əlaqədar məsələyə münasibət bildiriləcək. Komissiya sədri diqqətə çatdırıb ki, bu gün Azərbaycan Prezident İlham Əliyevin rəhbərliyi ilə Qoşulmama Hərəkatı kimi nüfuzlu bir beynəlxalq təşkilata sədrlik edən ölkədir. Belə bir ölkənin parlamenti haqqında Vahid Əhmədov kimi təcrübəli bir deputatın həmin müsahibədə səsləndirdiyi fikirlər qəbuledilməzdir.

İclasda çıxış edən komissiya üzvləri Nizami Səfərov, Səttar Möhbalıyev, Nəsib Məhəməliyev, Məşhur Məmmədov, Afət Həsənova, Madər Musayev, komissiyanın katibi Nurlan Həsənov bildiriblər ki, qanunvericiliyə əsasən, deputatın müsahibə vermək hüququ var və onun bu hüququ məhdudlaşdırıla bilməz. Lakin deputat verdiyi müsahibədə Milli Məclis deputatının etik davranış qaydalarına uyğun olmayan fikirlər söyləməməlidir. Deputat öz imicindən daha çox xalqın və dövlətin mənafeyini düşünməli, nəzərə almalıdır ki, deyilən fikirlər ölkəmizə düşmən münasibət bəsləyən qüvvələr tərəfindən bizim əleyhimizə istifadə oluna bilər.

İclasda deputat Vahid Əhmədov çıxış edərək məsələyə öz münasibətini açıqlayıb.

İclasın sonunda komissiyanın qərarı ilə Milli Məclisin Daxili Nizamnaməsinin 45-ci maddəsinin birinci bəndində göstərilən əsasa görə deputat Vahid Əhmədov barəsində töhmət intizam tədbiri tətbiq edilib. Bununla da iclas başa çatıb.

Qeyd edək ki, Vahid Əhmədovun mediaya müsahibəsində “deputatların əksəriyyətinin təyin olunduğu” barədə sözləri həmkarlarının etirazına səbəb olub. Milli Məclisin plenar iclasında müzakirələrdən sonra İntizam Komissiyasına bu məsələ ilə bağlı müraciət edilib.

Tarix
2023.04.28 / 18:13
Müəllif
Axar.az
Şərhlər
Digər xəbərlər

İlham Əliyevin bu görüşü canlı yayımlanacaq

Paşinyanın imtinası: Bakıya qarşı “2 gücün” oyunu...

Makron “haqlıdır”, Nikol o durumda deyil…

Azərbaycanın və Ermənistanın ərazi bütövlüyü… - İran

ETX Vindovsdakı problemlə bağlı məlumat yaydı

Növbəti “3+3” görüşü Türkiyədə olacaq - Sübhani

Məşhur bakılının adı Rusiya “tarix”indən silindi - Foto

Pezeşkianın göz yaşları və sevgisi… - Nyu York Tayms

Sərhəddə hərəkətlənmə: Ermənistan bu ərazilərdən çəkilir

Hər şeyin təzəsi, dostun köhnəsi... - Foto

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla