Ana səhifə Toplum |
"Kavkasus Onlayn" şirkətinin "Bilayn" tərəfindən alınması həqiqəti əks etdirmir.
Axar.az xəbər verir ki, bu barədə informasiyanı "Bilayn" şirkəti yayıb. Şirkət həmçinin "Kavkasus Onlayn"ın TV və simli internet xidmətini almaq istədiklərini bildirib:
"Biz Qara dənizin dibi ilə gələn fiber optik kabellə maraqlanmırıq. "Kavkasus Onlayn"ın aktivlərinin alınması "Bilayn"a yeni abonentlər əldə edilməsi baxımında imkanlar yaradacaq".
Qeyd edək ki, bundan öncə Gürcüstan mətbuatı Rusiyanın "Vimpelkom" şirkətinin törəməsi olan "Bilayn"ın "Kavkasus Onlayn" kompaniyasını alması haqqında informasiya yayıb. Məlumata əsasən, "Bilayn" "Kavkasus Onlayn"ın bütün aktivlərini əldə edib.
Hazırda "Kavkasus Onlayn" uğrunda iki şirkət - "Maqtikom" və "Vimpelkom" mübarizə aparır. "Maqtikom" Gürcüstan-ABŞ şirkəti hesab edilir.
"Kavkasus Onlayn" şirkəti Gürcüstanın internet tranzitinin 61%-nə nəzarət edir. O, həmçinin, Qara dənizin dibi ilə Gürcüstana Avropadan gələn 1200 kilometrlik internet xəttinin sahibidir. Məhz bu kabel vasitəsilə Ermənistanın 85%-i, Gürcüstanın 55%-i, Azərbaycanın isə 50%-i internetlə təmin edilir.
Tarix
2016.01.05 / 16:20
|
Müəllif
İlkin Həsənov
|