Dağıstan Müftiliyi müsəlmanların müqəddəs Ramazan ayının ilk gününün martın 12-nə təsadüf etdiyini elan edib.

Axar.az xəbər verir ki, bu barədə müftiliyin Teleqram kanalında məlumat yayılıb.

"Dağıstan Respublikasının Müftiliyi bu il Ramazan ayının ilk gününün martın 12-nə təsadüf etdiyini elan edir", - məlumatda deyilir.

Qeyd edək ki, bundan əvvəl Rusiya Federasiyası Müsəlmanları Ruhani İdarəsi Ramazan ayının birinci gününün martın 11-nə təsadüf etməsi barədə fitva verib.

Ənənəvi ayırıcı siyasətinə sadiq qalan İran da 12 martı Ramazan ayının ilk günü elan edib.

Xatırladaq ki, Türkiyə, Azərbaycan və Səudiyyə Ərəbistanı da daxil olmaqla, müsəlman dövlətləri 11 martı Ramazanın ilk günü kimi qəbul edir.