Yuxarı

Azərbaycanda hər 1000 kişiyə 1012 qadın düşür

Ana səhifə Toplum
12 Punto 14 Punto 16 Punto 18 Punto

Azərbaycan Respublikasının əhalisinin sayı ötən il 120,6 min nəfər və yaxud 1,3 faiz artaraq 2014-cü ilin əvvəlinə 9477,1 min nəfər olub.

Dövlət Statistika Komitəsindən "Axar.az"a verilən məlumata görə, 2013-cü ildə əhalinin sayının ümumi artımı əsasən təbii artım hesabına baş verib. Bununla yanaşı, miqrasiya artımı da müşahidə olunub və bu amil əhalinin ümumi artımının 1,8 faizini təşkil edib.

Ölkə üzrə əhalinin sıxlığı bir kvadrat kilometrə 109 nəfər təşkil edir. Əhalinin ümumi sayından 53,2 faizi şəhər, 46,8 faizi kənd sakinlərinin, 49,7 faizi kişilərin, 50,3 faizi isə qadınların payına düşür və hər 1000 kişiyə 1012 qadın düşür.

Ötən il Azərbaycanda doğulanların sayı ölənlərin sayından 118,3 min nəfər çox olub. Belə ki, 2013-cü ildə ölkədə 172,6 min körpə doğulub, əhalinin hər 1000 nəfərinə hesabı ilə bu göstərici 18,6 təşkil edib. Doğulanların 53,6 faizini oğlanlar, 46,4 faizini qızlar təşkil edir. Körpələrin 2270-i əkiz, 42-si isə üçəm doğulub.

Ölkə əhalisinin təkrar istehsalı təmin olunaraq, uşaq doğma qabiliyyətinə malik qadınların bütün ömür boyu hər birinə orta hesabla 2,2 doğulmuş uşaq düşür.

Ötən il ərzində ölkədə ölənlərin sayı əhalinin hər 1000 nəfərinə hesabı ilə 2012-ci il ilə müqayisədə 6,0-dan 5,8-ə qədər azalıb.

2013-cü il ərzində ölkədə 86,9 min nikah və 11,7 min boşanma halı qeydə alınıb və əhalinin hər 1000 nəfərinə hesabı ilə əvvəlki ilə nisbətən nikahların sayı 8,6-dan 9,3-ə qədər, boşanmaların sayı isə 1,2-dən 1,3-ə qədər artıb.

Ölkədə gənclərin problemlərinin həllinə yönəldilmiş dövlət siyasətinin uğurla həyata keçirilməsi, yeni iş yerlərinin açılması və gənclərin iqtisadiyyata daha çox cəlb olunması ilə əlaqədar əvvəllər Azərbaycandan xaricə qazanc üçün getmiş gənclər Vətənə qayıdırlar. 2013-cü ildə Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən Azərbaycana daimi yaşamaq üçün 3,1 min nəfər gələn və 0,8 min nəfər ölkədən gedən qeydə alınıb. 2012-ci illə müqayisədə 2013-cü ildə Azərbaycana daimi yaşamaq üçün gələnlərin sayı 957 nəfər və ya 44,1 faiz artıb.

Tarix
2014.02.13 / 21:30
Müəllif
Axar.az
Şərhlər
Digər xəbərlər

Beynəlxalq Avtovağzala mətbuat katibi təyin edildi

Naxçıvana ucuz uçuşlar təşkil ediləcək

Naxçıvanda xüsusi gömrük rejimi yaradılacaq

Naxçıvanda azad iqtisadi zona yaradılır

Kapital Bank növbəti nüfuzlu beynəlxalq mükafat alıb

İran daha bir azərbaycanlını “casus” kimi həbs edib

6-cı siniflər üçün daha bu fənlər keçirilməyəcək

ADU-da yay imtahanı: Apelyasiya Komissiyası yaradıldı

İran mediasından Fəridin həbsinə gülünc reaksiya

Sabah yağış yağacaq

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla