Dünya bazarında cüzi artım var, bu isə yağların Azərbaycan bazarında bahalaşmasına kəskin təsir etməməli idi.

Bu sözləri Axar.az-a iqtisadçı Natiq Cəfərli kərə yağının qiymətinin Azərbaycanda kəskin artmasının səbəbləri haqqında danışarkən deyib.

“Yağın qiymətinin artmasının bir çox səbəbi var; əsas səbəb odur ki, biz istehlakçı deyilik, idxaldan asılı ölkəyik. Hətta yerli şirkətlərin bazara çıxardığı məhsulun xammalı xaricdən gətirilir. Bizdə, sadəcə, onu müxtəlif ölçüdə qablaşdırıb, satışa çıxarırlar. Yerli istehsal olmayanda qiymət həmişə xarici bazarlarda gedən proseslərə həssas olur”, - o bildirib.

Ekspert vurğulayıb ki, yanacağın qiymətinin artması da belə məhsulların bahalaşmasına səbəb olur:

“Yağlar daha çox soyuducu avtomobillərlə daşınır, dizelin bahalaşması qiymət artımına təsir edir”.