Yuxarı

Füzulidə bu mərkəz fəaliyyətə başladı

Ana səhifə Toplum
12 Punto 14 Punto 16 Punto 18 Punto
Füzulidə bu mərkəz fəaliyyətə başladı

Qazaxıstan Respublikası tərəfindən Füzuli şəhərində inşa olunan və bu ilin mart ayında istifadəyə verilən Kurmanqazı adına Uşaq Yaradıcılıq Mərkəzi 2024/2025-ci tədris ilindən qapılanı müəllim və şagirdlərin üzünə açıb.

Mədəniyyət Nazirliyindən Axar.az-a verilən məlumata görə, “Böyük Qayıdış” proqramı çərçivəsində Bakı və digər rayonlardan doğma yurdlarına köçən Füzuli sakinlərinin övladları üçün yeni tədris ilində fortepiano, qanun, qarmon, tar, violin və rəqs ixtisasları üzrə tədris həyata keçirilir.

İlk olaraq 24 şagird təhsilə cəlb edilib. Beş təcrübəli müəllim onlara sənətin sirlərini öyrədir.

Şagirdlərdən qarmon üzrə Famil Məmmədli, tar üzrə Səma Tanrıverdiyeva, təsviri sənət (rəsm) üzrə Aysu Qocazadə, fortepiano ixtisasında Nigar Abdullazadə, xanəndəlikdə isə Əli Həzizadə seçdikləri sahələrə sevgi ilə bağlanıblar və uğur qazanmaq əzmi ilə öyrənməyə davam edirlər.

Uşaq Yaradıcılıq Mərkəzi Füzuli şəhərində uşaq və yeniyetmələrin yaradıcılıq qabiliyyətlərini ortaya qoymalarına, incəsənət sahəsində biliklərə yiyələnmələrinə münbit şərait yaradacaq. Növbəti mərhələlərdə digər sakinlərin Füzuliyə qayıdışı ilə, təbii olaraq, şagirdlərin sayı da artacaq.

Qeyd edək ki, bu mərkəz işğaldan azad edilən ərazilərdə incəsənət təhsilinin başladığı ilk tədris ocağı kimi xüsusi əhəmiyyət daşıyır.

Tarix
2024.10.01 / 15:49
Müəllif
Axar.az
Digər xəbərlər

Gültəkin Hacıbəyli Türkiyədə saxlanıldı: deport edilir

Azərbaycan Qahirədə mühüm iclasda təmsil olunacaq

14 yüksək rütbəli zabitimizin şəhid olmasından 4 il ötür

Bakı və Varşava məsləhətləşmələr aparacaq

Əli Kərimlinin evindən Ramiz Mehdiyevin məktubu tapıldı

Əli Kərimli DTX-yə aparıldı

Rəsul Quliyevin gəncliyi: anası və xanımı ilə birgə - Fotosu

Xəzər Konsorsiumunun infrastrukturu zədələndi

Prokurorluğa qəbulla bağlı imtahan nəticələri açıqlandı

Qriqoryan Azərbaycana gəldi - Mühüm razılaşma...

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla