Yuxarı

Gürcüstan azərbaycanlıları Xankəndi və Ağdamda oldular

Ana səhifə Toplum
12 Punto 14 Punto 16 Punto 18 Punto

Ötən gün Şuşa ilə tanış olan Gürcüstan azərbaycanlılarının bir qrupu bu gün Xankəndi və Ağdama səfər ediblər.

Axar.az xəbər verir ki, qonaqlar günün birinci yarısında Xankəndi şəhərini gəziblər. Onlara şəhər haqqında, eləcə də burada həyata keçirilən tikinti-quruculuq işləri barədə məlumat verilib.

Qonaqlar həmçinin Qarabağ Universitetinə gəlib, yaradılan şəraitlə tanış olub, tələbələrlə görüşüblər.

Günün ikinci yarısında Ağdama gələn qonaqlar Cümə məscidini ziyarət ediblər. Məlumat verilib ki, 1868-1870-ci illərdə inşa edilən məscid 30 illik erməni işğalı zamanı digər tarixi-dini abidələr kimi erməni vandalizminə məruz qalıb, düşmən bu məsciddə mal-qara saxlayıb. Ağdam şəhəri işğaldan azad edildikdən sonra məscid Azərbaycan dövləti tərəfindən bərpa olunub.

Gürcüstan azərbaycanlıları Ağdam şəhərinin mərkəzi küçəsində ermənilərin yerlə-yeksan etdikləri binaların qalıqlarına da baxıblar. Bildirilib ki, işğala qədər Ağdam nəinki Qarabağ bölgəsinin, eləcə də respublikanın ən böyük, inkişaf etmiş şəhərlərindən biri olub. Lakin işğal zamanı Ağdam yerlə-yeksan edilərək xarabalığa çevrilib. İşğaldan azad edildikdən sonra Ağdamda da geniş tikinti-quruculuq işlərinə start verilib. Hazırda şəhər mərkəzi ilə yanaşı, bir neçə kənddə də tikinti işləri aparılır və yaxın zamanlarda əhalinin Ağdama qayıdışı təmin olunacaq.

Qeyd edək ki, Gürcüstan azərbaycanlılarının işğaldan azad olunan ərazilərə səfəri üç qrup olmaqla, altı gün ərzində həyata keçiriləcək.

Tarix
2024.10.18 / 18:33
Müəllif
Axar.az
Digər xəbərlər

Bakı və İrəvan arasında sülh danışıqları keçirilir - Foto

Fransadan buna son qoymağı bir daha tələb edirik - XİN

Bayramov Fidanla nələri müzakirə etdi? - Foto

İlham Əliyev onları təltif etdi

Bakı və İrəvana sülh sazişi üzərində işlə bağlı təklif...

Xarici qüvvələrin regionda öz təhlükəli gündəlikləri…

Bayramovdan Zəngəzur açıqlaması: Tezliklə...

Bayramov “3+3” nazirlərinin toplantısında çıxış etdi

Bitdi: İsrail qalib gəldiyini elan edə bilər

Mirzoyan: Azərbaycanla sadələşmiş sərhəd və gömrük…

KULT
<>
Xəbər xətti
Axar.az'da reklam Bağla
Reklam
Bize yazin Bağla