Axar.az
Yuxarı

Vaqif Əsədov Hafka ilə davasından danışdı

Ana səhifə Toplum
12 Punto 14 Punto 16 Punto 18 Punto

14:21

Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov ilə "Bakı" futbol klubunun prezidenti, "Baglan Group FZCO"-nun prezidenti, 2016-cı il yanvarın 18-də lisensiyası ləğv edilən "Bank of Azerbaijan" ASC-nin sahibi Hafiz Məmmədov arasında olan ziddiyətlər daha da kəskinləşib.

Ölkə.az-ın məlumata görə, bir neçə gün bundan öncə Bakı şəhəri, H.Əliyev küçəsi 24 ünvanında Vaqif Əsədov idarə etdiyi BMV markalı 90 YP 333 nömrə nişanlı xidməti avtomobili ilə iş adamı Hafiz Məmmədovun içərisində olduğu "Mersedes-Benz Vita" markalı avtomobilin qarşısını kəsib.

Hadisə Hafiz Məmmədov həmin ünvandakı "Bank of Azerbaijan" ofisinə işə gələn zaman baş verib.

Bu hadisə baş verən zaman ətrafda xeyli sayda şahid insanlar da olub, hətta onlardan bəziləri hadisəni telefonlarına da çəkməyə nail olublar.

Vaqif Əsədov Hafiz Məmmədovun avtomobilinin qarşısını kəsəndən sonra iş adamı onunla görüşməyə razılıq verib və söhbətin ikilikdə aparılmasını təklif edib. Ancaq Vaqif Əsədov bu cür təkliflərin növbəti vaxt uzatması olduğunu söyləyərək, vaxtilə "Bank of Azerbaijan"a qoyduğu əmanətlərin təcili şəkildə ona qaytarılmasını israrla tələb edib.

Hafka Vaqif Əsədovu əmin edib ki, onun qoyduğu pul əmanətləri batmayacaq, gec-tez ona qaytarılacaq.

İş adamının bu vədləri Vaqif Əsədovu qane etməyib. Bu zaman V.Əsədovla Hafka arasında gedən dialoq daha da kəskinləşib. Vəziyyət o həddə çatıb ki, işə Hafiz Məmmədovun mühafizəçiləri qarışmalı olub.

Mühafizəçilər Vaqif Əsədov və digər polislərə qarşı kobud davranaraq, onları Haviz Məmmədovun olduğu avtomobil ətrafından kənarlaşdırıblar.

Hadisə şahidləri deyib ki, Vaqif Əsədov demək olar ki, hər gün keçmiş İnqilab küçəsində (İndiki adı Həsən Əliyev küçəsi gedir) yerləşən lisenziyası ləğv olunan "Bank of Azerbaijan"ın ofisinə baş çəkir, banka qoyduğu vəsaitlərin aqibəti ilə maraqlanır.

***

Polkovnik Vaqif Əsədov isə Musavat.com-a deyib ki, belə bir hadisə baş verməyib:

"Qanunu bilirəm və qanunun tələbləri üzrə hərəkət etməyə üstünlük verirəm. Mübarizə aparıramsa, bunu sivil yolla edərəm. Ən əsası isə qazandığım pulu xərcləyərəm də, onu banka niyə qoyuram ki! Bu yazılanlar cəfəngiyyatdır. Heç Hafiz Məmmədovla üzbəüz gəlsəm, onu tanımaram. Hesab edirəm ki, bu cür xəbərlərin yayılmasında məqsəd qalmaqal yaratmaq istəyi ilə oxucular arasında çaşqınlıq yaratmaqdır. Görünür, informasiya qıtlığı, yaxud da kiminsə yol polisi ilə bağlı problemi olduğu üçün belə bir yalan informasiyanı yayıb. Yəqin ki, bunu yayanlar hansısa məsələ ilə bağlı mənim zəngimi gözləyirlər. Bunu belə başa düşürəm. Hər halda xalqımızın müdrikliyinə, cəmiyyətimizin savadlı olmasına, oxucularımızın hər şeyə düzgün qiymət vermələrinə inanıram. İnanıram ki, yazılanların cəfəngiyyat olduğunu hər kəs anlayır. Mənim fəaliyyətimə kölgə salaraq, bu cür məlumatları yayanlar, ən azı bir telefon açıb, mövqeyimi ala bilərdilər. Bütün günü telefonum yanımdadır. Məgər məni tapmaq çətindir?"

V.Əsədov bildirib ki, söhbət dünəndən gedirsə, gün ərzində harada olduğunu da deyə bilər:

"Yazırlar ki, guya Hafiz Məmmədovun maşınını saxlamışam. Heç mən bilmirəm ki, Hafiz Məmmədovun maşınının markası nədir. İkincisi də əgər söhbət saxlanmalı olan nəqliyyat vasitəsindən gedirsə, göstəriş verərəm, saxlayarlar da... Niyə bunu özüm edirəm? Yəni bunları detallı şəkildə deyirəm ki, yazılanların cəfəngiyyat olması aydın olsun. Hafiz Məmmədovun da adını eşitmişəm ki, belə bir iş adamı var və yaxşı insandır. Allah canını sağ eləsin. Yenə deyirəm ki, heç biz üz-üzə gələrsək, bir-birimizi tanımarıq. Pula gəlincə isə bildirirəm ki, elə bir pul olarsa, xərcləməyə yer taparam. O qədər problemlərimiz var ki! Niyə banka qoyum, axı! İstirahət günü olsa da, hazırda tədbirdə olsam da, sizin zənginizi necə cavablandırdımsa, bunu yazanlar da mənə zəng edib, məlumat ala bilərdilər. Çox təəssüf ki, bunu etməyiblər. Yayılan məlumatlar tam əsassız və yalandır".

Tarix
2016.04.24 / 18:02
Müəllif
Axar.az
Şərhlər
Digər xəbərlər

Azərbaycanda pul kütləsində kəskin artım

Peyvənd olunanların son sayı açıqlandı

Məktəblərdə yoluxmanın artmaması üçün... - İnfeksionist

Ölkədə koronaya yoluxma sayı açıqlandı

Təcridxanaya soğanın içində narkotik keçirmək istədi - Foto

Bakı əhalisinin son sayı açıqlandı

Kürdəmirdə "patı" alverçisi yaxalandı

Rüşvətə görə həbs edilən TSEK sədrinə hökm oxundu

Azərbaycan və Belarus hərbi tibb mütəxəssisləri görüşdü

Qarabağda xidmət edənlərin övladları harada təhsil alacaq?

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla