Naxçıvanda sürücünün halının qəfil pisləşməsi nəticəsində zəncirvari qəza baş verib.

Axar.az APA-ya istinadən xəbər verir ki, hadisə Naxçıvan-Şahbuz magistral yolunun 1-ci kilometrliyində, Dilqəm Pişəvari küçəsində qeydə alınıb.

Sürücü, Naxçıvan şəhər sakini, 1953-cü il təvəllüdlü Namiq Qəzənfər oğlu Məmmədovun sükan arxasında halı pisləşib. Nəticədə avtomobil idarəetmədən çıxaraq qəza törədib.

Qəza zamanı "Mersedes", "Hunday" və "Şevrolet" markalı avtomobillər toqquşub. Ürəyi tutan sürücü Naxçıvan Muxtar Respublika Xəstəxanasına yerləşdirilib.

Hadisə yerinə polis əməkdaşları cəlb ediliblər.

Faktla bağlı araşdırma aparılır.