Gəncədə 26 yaşlı gənc məhkəmənin yaxınlığında bıçaqlandı

Kəpəz TV (Region TV) xəbər verir ki, Gəncədə bıçaqlanma faktı qeydə alınıb. Şəhərin Vəli Xuluflu küçəsində yaşayan 26 yaşlı Xaliq İsmayılov qarının kəsilmiş-deşilmiş yarası xəsarəti ilə Gəncə Şəhər Təcili Tibbi Yardım Xəstəxanasına gətirilib.

O, dərhal əməliyyat edilib, vəziyyətinin orta-ağır olduğu bildirilir. İsmayılovun Gəncə şəhər Kəpəz Rayon Məhkəməsinin yaxınlığında bıçaqlandığı məlum olsa da, hadisənin kim tərəfindən törədildiyi və hansı şəraitdə baş verdiyi hələlik bəlli deyil. Faktla bağlı hüquq mühafizə orqanları tərəfindən araşdırma aparılır.