Balakəndə evlərdən oğruluq edən şəxslər tutulub.

Balakən Rayon Polis Şöbəsindən APA-ya verilən məlumata görə, Balakən sakini Cavahir İsa qızı Layıcova polisə müraciət edərək, Balakən şəhəri, M.İbrahimov küçəsi-66 ünvanında yerləşən evində olmadığı müddətdə naməlum şəxslərin mənzili soyduğunu bildirib.

Müraciət əsasında Balakən RPŞ-nin əməliyyat-axtarış qrupu C.Layıcovaya məxsus evdən oğruluq edən şəxslərin Balakən şəhər sakinləri 1979-cu il təvəllüdlü Elşən İlyas oğlu Corov və Elnur Nurəddin oğlu Xəlilov olduqlarını müəyyən edib. Hər iki şəxs tutularaq istintaqa təhvil verilib.

Elşən Corov və Elnur Xəlilovun ətrafında aparılmış əməliyyat tədbirləri nəticəsində həmçinin məlum olub ki, onlar carı ilin fevral ayında Balakən şəhəri, M.Müşfiq küçəsi-26 ünvanında yaşayan Vüqar Əliyevə məxsus evin pəncərəsindən qanunsuz evə girərək oradan 1 ədəd LG markalı paltaryuyan maşın, 1 ədəd televizor və digər ev əşyaları oğurlayıblar. Aparılmış ilkin istintaq zamanı məlum olub ki, Elşən Corov və Elnur Xəlilov vətəndaşlara ümumilikdə 5 min manat məbləğində maddi ziyan vurublar.

Elşən Corov və Elnur Xəlilov barəsində Balakən Məhkəməsinin qərarı ilə 3 ay həbs qətimkan tədbiri seçilib. Faktla bağlı Balakən RPŞ-də CM-nin 177.2.1, 177.2.2, 177.2.3 maddələri ilə cinayət işi başlayıb, istintaq tədbirləri davam etdirilir.