Türkiyə Diyanət İşləri Nazirliyi 2025-ci il Ramazan ayı üçün fitrənin məbləğini elan edib.

Axar.az xəbər verir ki, qərara əsasən, builki fitrə 180 tl (8,5 manat) müəyyən edilib. Qərarda bildirilib ki, fitrə pul və yaxud eyni miqdarda ərzaqla ödənilə bilər.

Bəs, Azərbaycanda fitrənin məbləği nə qədər olacaq?

Qafqaz Müsəlmanları İdarəsinin sədr müavini Hacı Fuad saytımıza açıqlamasında bildirib ki, Ramazan ayı ilə bağlı hələ fitva verilməyib:

“Həmişə Ramazan ayı başlamazdan bir həftə, 10 gün öncə fitva elan edilir. Yəni ayın sonunda Ramazan ayı ilə bağlı fitva veriləcək. Onda sonra isə fitrənin məbləği elan ediləcək”.

Qeyd edək ki, ötən il Qazılar Şurası adambaşına 10-15 manat fitrə zəkatının verilməsini tövsiyə etmişdi.

Bu il Ramazan bayramı 29-30 martda keçiriləcək.