ETN Fizika İnstitutunun laboratoriya müdiri, fizika-riyaziyyat elmləri doktoru, professor Qüdrət İsaqov vəfat edib.

Axar.az xəbər verir ki, bu barədə AMEA-nın saytında bildirilib

Qeyd edək ki, o, 2 iyun 1950-ci ildə anadan olub. Karyerasının böyük bir hissəsi AMEA-nın Fizika İnstitutu ilə bağlıdır.

1992–1993-cü illərdə Azərbaycan Respublikasının Prezident Aparatında Strateji Proqramlar şöbəsinin baş mütəxxəssis işləyib. 1993–1995-ci illərdə Azərbaycan Ticarət-Sənaye Palatasının Təşkilat şöbəsinin rəisi olub.

1995-ci ildə yenidən AMEA-nın Fizika İnstitutuna qayıdıb.

2008 və 2013-cü illərdə Azərbaycan Respublikası prezidenti seçkilərində namizəd olub, hər ikisində namizədliyini geri götürüb.