Hazırda toyuqların yumurtadan kəsilən vaxtıdır.

Bu sözləri Axar.az-a açıqlamasında Azad İstehlakçılar Birliyinin (AİB) sədri Eyyub Hüseynov kənd yumurtasının bahalaşması haqda danşarkən deyib.

Ekspert bildirib ki, qış aylarında yumurtaya tələbat daha da artır:

“Əlavə olaraq bildirim ki, soyuq hava şəraiti ilə kəndlilər yumurtaları Bakıya gətirib çatdıra bilmir. Bu və digər komponentləri nəzərə alsaq, kənd yumurtalarının qiymət artımı təbiidir.

Təəssüf ki, broyler yumurtalarını hazırda kənd yumurtası adı ilə satırlar. Ancaq broyler toyuqları ağ və ya da tünd rəngli, kənd yumurtaları isə qəhvəyinin açıq tonlarında olur. Broyler yumurtasından fərqli olaraq kənd yumurtalarının qabığı sərt, sarısı isə tünd olur. Alıcılar bunları nəzərə alaraq kənd yumurtasını ayırd edə biləcək”.

Qeyd edək ki, marketlərdə “kənd yumurtası” kimi təqdim edilən yumurtanın qiyməti 35 qəpiyə qalxıb.