2025. 04.13. 22:53

Ötən il sui-qəsd cəhdindən sağ çıxan Slovakiyanın Baş naziri Robert Fitsonun səhhətində son üç gün ərzində problemlər yaşanıb.

Axar.az xəbər verir ki, bu barədə o, Feysbuk sosial şəbəkəsində həmvətənlərinə videomüraciətində deyib.

“Sui-qəsd cəhdi zamanı aldığım yaralar son üç gündə məni narahat edirdi. İş proqramımın bir hissəsini ləğv etməli oldum”, - o bildirib.

Qeyd edək ki, Fitsoya qarşı sui-qəsd cəhdi 15 may 2024-cü ildə Slovakiyanın qərbindəki Handlova şəhərində baş verib. Baş nazir bir neçə güllə yarası alıb və bir sıra əməliyyatlar keçirib. O, yalnız 2024-cü ilin iyulunda öz vəzifəsinə qayıda bilib.