Sərhəd axtarışı və əməliyyat tədbirləri nəticəsində 4 sərhəd pozucusu saxlanılıb.

Axar.az xəbər verir ki, bu barədə Dövlət Sərhəd Xidmətinin (DSX) Mətbuat Mərkəzi məlumat yayıb.

Belə ki, aprelin 30-da DSX-nin Sərhəd Qoşunları Komandanlığının “Lənkəran” sərhəd dəstəsinin xidməti ərazisində iki nəfər – 1996-cı il təvəllüdlü Safi Hidayatullah Eynətullah və 2004-cü il təvəllüdlü Mirzay Möhsin Səfiulla, mayın 2-də isə daha iki Əfqanıstan vətəndaşı – 1999-cu il təvəllüdlü Əfqan Məhəmmədəmin Möminxan və 2005-ci il təvəllüdlü Əhmədi Əhməd Abdullah dövlət sərhədini pozmağa cəhd göstərərkən saxlanılıb.

Araşdırma nəticəsində saxlanılan şəxslərin Azərbaycan ərazisindən tranzit keçməklə qanunsuz yolla Avropa ölkələrinə miqrasiya etmək niyyətində olduqları müəyyən edilib.

Faktlar üzrə əməliyyat-istintaq tədbirləri davam etdirilir.