Yuxarı

Nazirlik adından saxta məlumatlar yayılır

Ana səhifə Toplum
12 Punto 14 Punto 16 Punto 18 Punto

11:44

Azərbaycanda Elm və Təhsil Nazirliyi adından saxta məlumat yayılır. Məlumat vətəndaşlara sosial şəbəkə və "messenger"lər vasitəsi ilə göndərilir.

Axar.az Modern.az-a istinadla saxta məlumatı olduğu kimi təqdim edir:

"Azərbaycan Respublikasının Elm və Təhsil Nazirliyinin rəsmi bildirişi:

№ 217/2025 | 01.07.2025

Azərbaycan Respublikasında aparılan yeni təhsil islahatları və “Milli Təhsil – 2030” proqramı çərçivəsində 2025/2026-cı tədris ilindən etibarən ali təhsil müəssisələrində rus dilində tədris mərhələli şəkildə dayandırılacaq.

Yeni qərara əsasən, bütün ixtisaslar üzrə tədris yalnız azərbaycan və ingilis dillərində aparılacaq. Bu dəyişiklik milli kimliyin möhkəmləndirilməsi və beynəlxalq təhsil sisteminə inteqrasiyanın gücləndirilməsi məqsədilə həyata keçirilir.

Əsas müddəalar:

1. Hal-hazırda rus sektorunda təhsil alan tələbələr 2025-ci il avqustun 20-dək azərbaycan dili üzrə dil imtahanı verməlidirlər.

2. İmtahandan uğurla keçən tələbələr müvafiq olaraq azərbaycan dilində tədris olunan ixtisasa keçiriləcəklər.

3. Dil biliyini təsdiq edə bilməyən tələbələr təhsillərini davam etdirə bilməyəcəklər.

4. Əlavə olaraq, avqustun 5-dən etibarən tələbələrin istəyi ilə ingilis dilində tədrisə keçmək imkanı üçün onlayn dil attestasiyası təşkil olunacaq (yerlərin mövcudluğu nəzərə alınmaqla).

5. Məzun ərəfəsində olan (bakalavr və magistratura üzrə) tələbələr, akademik borcları olmadığı və 10 iyul 2025 tarixinədək dekanlığa müraciət etdikləri halda təhsillərini cari dildə başa vura bilərlər.

Tələbələrdən xahiş olunur ki, rəsmi elanları diqqətlə izləsinlər və keçid dövrünə hazır olsunlar.

Əlavə məlumat üçün universitetin qəbul komissiyasına və ya nazirliyin rəsmi elektron ünvanına müraciət edə bilərsiniz: [email protected].

Azərbaycan Respublikasının Elm və Təhsil Nazirliyi

Bakı şəhəri, Lətif Hacıyev küçəsi".

Tarix
2025.07.02 / 12:13
Müəllif
Axar.az
Digər xəbərlər

Bu yer atam tərəfindən ayrılıb - İlham Əliyev

Mirziyayev Əliyevi təbrik etdi: Böyük futbola bir addım... - Video

İlham Əliyev özbək həmkarı ilə görüşdən paylaşım etdi - Video

Rusiyada yaralı azərbaycanlı xəstəxanadan oğurlandı

AZAL təyyarəsinin vurulması ilə bağlı yeni təfərrüat

Hədəfdə Araz Ağalarovdur – Proses başladı

Göygöldə təcili yardım avtomobilinin şüşələri sındırıldı

Ukraynada azərbaycanlı yüksək vəzifəyə təyin olundu

Prezidentlər mətbuata bəyanatlarla çıxış etdi

Rusiya məhbuslarla konsulluq görüşlərini gecikdirir - Hacızadə

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla