Qarabağla bağlı status-kvo heç kimə sərf etmir.

Axar.az xəbər verir ki, bunu “RİA Novosti” agentliyinə müsahibəsində Azərbaycan Xarici İşlər naziri Elmar Məmmədyarov söyləyib.

“Bir neçə dəfə biz məsələnin yerindən tərpədilməsinə kifayət qədər yaxın idik. Hər kəs anlayır ki, bu gün olan status-kvo erməni tərəfindən başqa heç kimə sərf etmir. Biz 20 il ərzində işğal altında qalan torpaqların təəssüf ki, yalnız hərbi güc yolu ilə azad edilə biləcəyindən razı deyilik. Masanı tədricən problemlərdən təmizləmək lazımdır. Problemlər nədir? Ən əsas problem erməni silahlı qüvvələrinin Azərbaycan ərazisində olmasıdır. Birinci növbədə əsgərlər öz kazarmalarına geri dönməlidirlər. Bu olacağı təqdirdə böyük imkanlar açılacaq. Bu, planın tərkib hissəsidir”, – o bildirib.

Məmmədyarov həmçinin blogger Aleksandr Lapşinin həbsi məsələsinin siyasiləşdirilməməsi gərəkdiyini də vurğulayıb:

“Bu məsələnin həddən artıq siyasiləşdirilməsi məni təəccübləndirir. Onu həmişə blogger adlandırırlar. Əgər o, mühəndis olsaydı, heç kim onunla maraqlanmayacaqdımı? O, qanunları pozub və buna qarşılıq olaraq ona qarşı cinayət işi açılaraq, İnterpolun axtarışına verilib. Belarus tərəfi də onu həbs edərək bizə verib. Bu, həm də MDB çərçivəsindəki Kişinyov konvensiyası ilə də səsləşir. Hər şey qanun çərçivəsində edilib. Onun blogger olması ilə bağlı spekulyasiyalar bu şəxsin qanun qarşısında toxunulmaz olması demək deyil”.