Yuxarı

Erməni KVN-i Bakıya gətirən şirkət gizləndi - “33 event”

Ana səhifə Kult
12 Punto 14 Punto 16 Punto 18 Punto

23 may tarixində "Buta Palace"də intellektual yumoristik qadın klubu kimi tanınan "Comedy Woman"in konserti baş tutacaq.

Axar.az xəbər verir ki, bununla bağlı komediya ustası, əməkdar artist, "Bakılı oğlan" Tahir İmanov "Oxu.az" saytına verdiyi açıqlamada böyük bir ittihamla çıxış edib. Tahir İmanovun irəli sürdüyü iddialara görə, sözügedən layihə erməni layihəsidir və erməni millətinə mənsub Artur Canibekyan, Qarik Maertirosyan və digərlərinin rəhbərlik etdiyi qrupa daxildir.

Məsələ ilə bağlı "Buta Palace"la əlaqə saxlayıb, irəli sürülən ittihamlar və konsertin təşkilatçısının kim olması ilə maraqlandıq. Sözügedən məkanın marketinq meneceri Alla xanım Axar.az-a açıqlamasında dedi ki, onlar planlaşdırılan konsertlərdən xəbərsizdirlər:

"Biz yeri kirayə veririk. İştirakçıların kimliyi ilə bağlı heç bir məlumatımız yoxdur. Təkcə onu bilirik ki, "Comedy Woman" konsertinin təşkilatçısı "33 event" şirkətidir".

"33 event" şirkətindən telefona cavab verən şəxs dedi ki, o, təşkilatçı deyil, rəhbərliklə əlaqəsi yoxdur və bizə heç cür köməklik göstərə bilməz. Sonda "Bəs siz kimsiniz? Bilet satırsız?" sualına, "Yox, mən kartof satıram", - deyə cavab verərək dəstəyi asdı.

Məsələyə münasibət bildirən məşhur komediya ustası Bəhram Bağırzadə Axar.az-a bildirdi ki, bu işlə aidiyyəti qurumlar maraqlanmalıdır:

"Bu, komediya məsələsi deyil, xüsusi orqanların işidir. Onlar aydınlaşdırmalıdır ki, necə olur ermənilər gəlir bura? Bu sualı bunun erməni layihəsi olduğunu bilə-bilə onları bura gətirən o şirkətə vermək lazımdı. Onların Bakıya gəlməsinə kim icazə verib? Necə olub ki, bu qrupa şərait yaradılıb? Teatr kimi, əlbəttə ki, onlar əladır. Bu "Comedy Woman" çox gözəl layihədir. Sağ əlləri bizim başımıza ki, biz də nə vaxtsa bir yerimizi qaldırıb elə bir layihə yaradaq".

Tarix
2015.04.09 / 17:26
Müəllif
Rəfiqə Əlisəfa
Şərhlər
Digər xəbərlər

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

Bu, Fransanı ciddi narahat edir - Nağıyev

Fransa İrəvanı yeni müharibəyə təhrik edir - DTX rəisi

Azərbaycandan çox şey götürdük, verməyəcəyimizi dedik...

XİN-dən Namiq Abbasovun vəfatı ilə bağlı paylaşım

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla