Almaniyanın Bokhum şəhərində yerləşən "Opel" avtomobil şirkəti bu gün son avtomobilini istehsal edəcək.

Axar.az Türkiyə mətbuatına istinadən xəbər verir ki, Almaniyanın şimalında Bokhum şəhərində 52 ildir fəaliyyət göstərən "Opel" şirkəti bu illər ərzində 13 milyon 700 min avtomobil istehsal edib.

Şirkətin bu gün son olaraq "Zafira" modelini istehsal edəcəyi və birdəfəlik bağlanacağı bildirilib.

Əfsanəvi alman avtomobil istehsalçısının fəaliyyətinə son verməsinə səbəb şirkətin artan xərcləri və Asiya ölkələrinin istehsal etdiyi avtomobillərlə bazar rəqabətinə dözə bilməməsidir.

Qeyd edək ki, bir vaxtlar 20.000 işçisi olan şirkətin son ildə qeydə alınan işçi sayı 3.000 olub.