Dünən bütün dünya Almaniyanın Braziliyaya "Marakana" stadionunda tutduğu toyu izlədi.

Braziliya "qırğını" ilə bağlı sosial şəbəkələrdə yazılan statuslar da maraqlılığına görə oyundan heç də geri qalmayıb.

Axar.az Almaniya-Braziliya oyununa həsr edilmiş ən maraqlı qeydləri təqdim edir.

Leyla Əliyeva (Heydər Əliyev Fondunun vitse-prezidenti): Diqqət edirsizsə, braziliyalı azarkeşlər Almaniya yığmasının hücumlarını alqışlayır :)

Anar Heybətov: "Qurban olaram Azərbaycanın yığmasına. İndi bilərik qədirlərini".

Ramin Deko: "Skolari: "Oyunu saxlooooon".

Aslan İsmayılov: "Braziliya - Almaniya 0-5! Bağışlayın, Sizin də televizor bu cür göstərir?!"

Aynur Elgünəş: "Braziliyanın qapıçısı dəqiq futbolçudu? Bəlkə səhv salıb kuryerə forma geyindiriblər? Yazıq elə qapıdan top cıxarır:)".

"Sancaq": "Qapıçı Julio Sezar oyunun ardından verdiyi müsahibədə bildirib ki, bundan sonra karyerama "salat" olaraq davam edəcəm".

Emil Salamoğlu: "Mən ölmüşəm bəyəm, onu rəiyyət dəfn edə? Uşaqlardan 3-5 nəfər götürün, gedin Brazilyanın meyitini gətirin", - Kərbəlayi İsmayılın Almaniya oyunundan sonra bu tələbinə "Kim qalıb ki, Kərbəlayi, hami Rio de Janeyro qəbiristanlığına yığışıb", - cavabı gəlir".

Mirmehdi Ağaoğlu: "Bunlar Üçüncü Dünya müharibəsi də edər:)".

Ehtiram Mehdiyev: "5 qat dünya çempionuyuq ki".

Azər Rəşidoğlu: "Almaniyanın çempionluğunu tanımayacağam".

Faiq Balabəyli: "Braziliya yağmura düşdü. Eheyy, Skolari! Komandana çətir gətir".

Aytən Məmmədova: "Braziliya "Açıq qapı" günü elan edib".

Qadir İbrahimli: "1950-ci ildə Brazilya finalda Uruquvaya uduzanda azarkeşlər səhərə qədər stadionda ağlamışdılar. Həmin gün Braziliya tarixinə "bütün Braziliyanın ağladığı gecə" kimi düşmüşdü. Almaniya ilə oyun görəsən Braziliya tarixinə necə düşəcək".

Aynur İmranova: "Oyun 35:0-la bitəcək belə getsə. Hər 2 dəqiqəyə bir qol vurur Almaniya".

Məhəmməd Türkmən: "Almanlar brazilyalılara deyirlər ki: "Sizə dedik ki, qarşımıza çıxmoon". P.S. Almanlara səslənirəm. Bəsdirin. Vallah lazım deyil".

Zaur Xudiyev: "Almaniya Azərbaycanı 6-1, Braziliyanı da 7-1 udursa, deməli, Azərbaycan Braziliyanı 1-0 uda bilər".

Rahil Kərimov: "Nemetski şot olmadı ee, qaqa, "oğlanlar" yığışıb qızların yerinə də vurdular".

Həsən Həsənov: "Heç olmasa ikinci yarıda faşistlik eləmööön".

Qabil Abbasoğlu: "8 min pul alıblar, oynamaqlarına bax".

Ərəstun Oruclu: "Sən demə, almanlar həm də yaxşı aşsüzən istehsal edə bilirlərmiş".

Elşən Allahverdiyev: "Günü sabah Berti Foksu şəhərin mərkəzinə qoyub başına fırlanmaq lazımdır".

Xatırladaq ki, Braziliya-Almaniya yarımfinal qarşılaşması 1-7 hesabı ilə başa çatıb.