Bu gecə DÇ-2014-ün digər finalçısının adı məlum olacaq.

Axar.az xəbər verir ki, sonuncu yarımfinal matçında Argentina və Hollandiya milliləri üz-üzə gələcək. Türkiyəli hakim Cüneyt Çakırın idarə edəcəyi oyunun start fiti Bakı vaxtı ilə saat 01:00-da veriləcək.

Qeyd edək ki, bu komandalar arasında keçirilən rəsmi oyunlarda bərabərlik var. İki dəfə Argentina millisi, iki dəfə də Hollandiya millisi meydandan qalib ayrılıb. Bir oyun isə sülhlə bitib.

Xatırladaq ki, bu cütün qalibi iyulun 13-də baş tutacaq finalda Almaniya millisi ilə qarşılaşacaq. Məğlub olan tərəf isə iyulun 12-də üçüncü yer uğrunda Braziliya ilə üz-üzə gələcək.