Serxio Romero penalti seriyası zamanı şparqalkadan istifadə edib.

Futbol üzrə Argentina yığmasının qapıçısı Serxio Romero Hollandiyayla dünya çempionatının yarımfinal matçının penalti seriyası zamanı şparqalkadan istifadə edib.

Kiçik kağız parcasında holland oyunçuların necə 11 metrlik zərbələr vurduğu haqda məlumatlar yazılıb.

Romero 4 zərbədən 2-ni qaytararaq Argentinanı DÇ-2014 finalına daşıdı. Qapıçı, həmçinin dünənki yarımfinal matçının ən yaxşı oyunçusu secilib.

Qeyd edək ki, 2006-cı ildə Almaniya yığmasının qapıçısı Yens Lemann Argentinaya qarşı dörddə bir finalda belə şparqalkadan istifadə etmişdi. Almaniya həmin vaxt 4:2 hesabı ilə qalib gəlmişdi.

ANS